Прв пат во последните речиси десет години Јувентус не е апсолутен фаворит во трката за освојување на Скудетото!
Без разлика што преодниот рок во Италија трае до 5. октомври, кандидатурата на Интер да ја загрози суверената позиција на „Бјанконерите“ во Серија А не се базира толку на разликата во квалитетот на играчите, колку на супериорноста на стратегот Антонио Конте во однос на дебитантот Андреа Пирло.
Фабио Капело со години тврди дека уделот на тренерите во успехот на една екипа никогаш не е поголем од 20%, но дека токму тие 10-20% се клучни за освојување на трофејот на крајот. Јазот помеѓу „Бјанконерите“ и „Нераѕурите“ значително се намали во последната година, толку да ако претпоставиме дека Капело е во право, Конте може да биде дополнителна вредност за Интер да ја симне од тронот „Старата дама“.
Незгоден трет претендент во трката за титулата може да биде Наполи. Рино Гатузо е на пресвртницата во својата тренерска кариера: или ќе ги следи стапките на неговиот претходник Карло Анчелоти, или неговата тренерска кариера би можела да ја следи параболата на Монтела. Во случај Кулибали да остане и Наполи да најде соодветно решение за позицијата лев бек, Јуве и Интер ќе мора на нив да посветат сериозно внимание.
Борба за Лигата на шампионите, односно за третото и четвртото место, покрај Наполи, ќе имаат уште два тима, барем на почетокот на шампионатот: Аталанта и Милан. Во Бергамо, го спасија тимот и заработија 65 милиони евра. Во спортот, најтешко е да се повтори, особено за т.н. провинциски клубови, а Божицата е постојано на врвот на Серија А во последните четири години (две трети, едно четврто и седмо место).
Проектот на Милан добива се повеќе симпатизери, а ќе ги има уште повеќе доколку Паоло Малдини го комплетира списокот на засилувања на „росонерите“ со Никола Миленковиќ во одбрана. Секако, останува да виси како „Дамокловиот меч“, постојано повторуваното животно сценарио на Стефано Пиоли: првата сезона е добра, дури и одлична, втората, на истата клупа, лоша или катастрофална.
Римските клубови се големи непознаници. Односите меѓу претседателот Клаудио Лотито и тренерот Инзаги стануваат сè понапнати. Стратегот на „небесносините“ не е задоволен од засилувањата за следната сезона во која неговиот тим после 13 години ќе игра во Лигата на шампионите и прашање е дали ќе може да се создаде победничка атмосфера од периодот пред пандемијата на коронавирусот.
Во групата екипи кои можат да бидат големи изненадувања и да се вклучат во борбата за место во Лигата на Европа, се Сасуоло, Болоња и Фиорентина. Тимот на Робертo Де Зерби остана практично ист во споредба со минатата година, доколку го задржат Локатели до крајот на преодниот рок, Сасуоло е тим на кој треба да се обложува. Болоња конструираше многу солиден тим, а Фиорентина ги има сите адекватни карти за да се врати на патот кон успехот.
Главни кандидати за испаѓање се Специја и Кротоне, кои летово се искачија во Серија А. Во виорот на борбата за опстанок многу лесно може да завршат Џенова, Парма, Верона и Торино. Сопственикот на Џенова, Енрико Прециози, повторно ја изгради екипата и донесе нов тренер (Маран), Парма загуби два столба од одличната претходна сезона, a Верона остана без ‘рбетот на тимот. Торино е буре барут и прашање на време е кога ќе експлодира.
Комплетната понуда од Серија А и најдобрите квоти може да ги погледнете на следниот линк.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
