Македонскиот репрезентативец Магомедгаџи Нуров не успеа да стигне до бронзениот медал на Европското првенство во борење кое се одржува во Нови Сад, Србија.
Нуров, во категоријата до 97 килограми – слободен стил, во битката за третото место загуби од Грузиецот Елизбар Одикадзе со 0-10, останувајќи на крајот без одликување на шампионатот.
Од останатите македонски репрезентативци на првенството, натурализираниот Македонец Владимир Егоров во категоријата до 57 килограми загуби од Русинот Јавор Угуев со 3-5 уште во првото коло. Бобан Савев во категоријата до 86 килограми на стартот загуби од турскиот борач, Селим ЈАШАР, носител на сребрен медал од ЛОИ во Рио.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
