Тренерот на Панатинаикос, Жељко Обрадовиќ, беше видно лут на Лефтерис Манцукас за време на натпреварот со Асвел.
Манцукас го изнервира Обрадовиќ, иако генерално одигра добар натпревар, постигнувајќи 16 поени и земајќи шест скока. „Зелените“ беа убедливи во второто коло од Евролигата победувајќи со 102-79.
„Тој беше лут затоа што не ја погодив втората тројка, не затоа што не ја погодив третата. Тренер си е тренер, има огромни успеси. Се обидуваме да слушаме што ни кажува и да го применуваме она што тој го бара од нас на теренот. Понекогаш е малку поинтензивно, но не е лично. Ништо лично. Тука сме за доброто на тимот и сите заедно одиме напред“, рече Манцукас по мечот.
Обрадовиќ очигледно сака Манцукас да шутира што е можно повеќе.
„Досега оди добро. Имаме две победи, исто така имавме и пораз во полуфиналето на Суперкупот против ПАОК. Се обидувам да дадам се од себе секој пат кога ќе стапнам на теренот. Сакам да ја заслужам довербата на тренерот и Панатинаикос да победи“, додаде тој.
👀 Zeljko Obradovic, 23 yaşındaki Lefteris Mantzoukas’a bir şeyler anlatmaya çalışıyor.
pic.twitter.com/S6EYH8YcPi— Eurohoops Türkiye (@EurohoopsTR) September 30, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
