Бурата Бабет, која деновиве ја зафати Велика Британија, прави големи проблеми и во Премиерлигата. Постојат силни стравувања дека би можел да биде откажан дуелот од деветтото коло на „Сити Граунд“ помеѓу Нотингем Форест и Лутон.
Наврна големо количество дожд, а метеоролозите најавуваат дека обилните врнежи се очекува да продолжат и во текот на викендот. Особено е критично во областа Нотингем каде неколку патишта се затворени поради бранот поплава.
Во клубот од Нотингем се уште се надеваат дека натпреварот ќе се одигра и ќе продолжат со подготовки, но внимателно ја следат ситуацијата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
