Кошаркарите на Сакраменто цврсто газат како се доближува плејофот во НБА лигата, синоќа триумфирајќи против Портланд со 114-138.
Сакраменто, апсолутно доминирајќи на мечот, беше предводен од четворката Сабонис, Фокс, Монк и Мари кои завршија со по 20 постигнати поени. Кај Портланд, пак, најефикасен беше Шарп со 27 поени.
Голден стејт славеше против Сан Антонио со 130-115, благодарение на одличната последна четвртина. До триумфот ги водеше Стеф Кари со 33 поени, а Клеј Томпсон го заврши мечот со 31 постигнат поен.
Во останатите натпревари на вечерта, Чикаго славеше против Шарлот со 91-121, Индијана ја победи Оклахома со 121-117 а Филаделфија беше подобра од Торонто со 117-110. Вашингтон загуби од Орландо со 109-116, Бостон ја победи Јута со 122-114, Бруклин беше подобар од Атланта победувајќи со 124-107 додека, Кливленд загуби од Њујорк со 116-130. Хјустон го совлада Детроит со 121-115, Мемфис триумфираше против ЛА Клиперс со 108-94, Минесота пред своите навивачи загуби од ЛА Лејкерс со 111-123 а Феникс го победи Денвер со 100-93.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА