Македонија ЃП денеска го промовираше Кристијан Стојкоски за нов (стар) играч. Стојкоски се враќа во матичниот клуб по одисејата која ја имаше во Шкупи, Академија Пандев и Работнички. Во пролетниот дел ќе биде големо засилување за „лавовите“.
„Дома си онаму каде што ти е срцето. Добредојде дома Кристијан Стојкоски“… Со вакви зборови Македонија ЃП го врати Стојкоски во своите редови.
Стојкоски беше дел од младинските категории на ѓорчепетровци, а потоа една полусезона мина во Тетекс во 2012 година, пред да се врати повторно во редовите на Македонија и да остане пет години. Потоа замина во Шкупи, па во Академија Пандев, а во последните шест месеци да биде дел од Работнички. Го раскина договорот со „романтичарите“ и се реши да се врати во својот матичен клуб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА