Украинскиот голман Андреј Лунин, го продолжи договорот со Реал Мадрид на уште шест години. Лунин стана познат по минатата сезона кога ја доби довербата откако се повреди Тибо Куртоа, и го внесе тимот во финалето во ЛШ против Борусија Дортмунд, но таму не бранеше.
Украинецот долго време поради тоа најавуваше дека ќе замине, беше поврзуван со трансфер во Атлетико, и во други клубови, меѓутоа на крајот се реши да остане во Реал.
Лунин дојде во Реал во 2018 година, и на 19 години стана дел од првиот тим на „кралевите“. Украинецот е меѓу кандидатите за освојување на наградата „Јашин“ за најдобар голман во сезоната 2023/24, откако помогна тимот да ја освои Лигата на шампионите и првенството на Шпанија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
