По завршувањето на клупската сезона во домашниот фудбал, во заедничка соработка со Фудбалската федерација на Македонија и Општина Гази Баба, а благодарение на првиот човек на ОФС Гази Баба, Дарко Костовски и неговата идеја и долгорочна стратегија за развој на младинскиот фудбал и спортската инфраструктура, сите фудбалски клубови членки на ОФС Гази Баба добија комплетна спортска опрема преку програмата на ФФМ. Настанот се одржа на стадионот во Автокоманда, а присуствуваа бројни спортски работници, претставници на клубовите и претставници од локалната самоуправа градоначалниците на Општина Гази Баба, Боби Стефковски, на Општина Петровец, Борче Митевски и Општина Илинден, Александар Георгиевски.
Претседателот на ФФМ, Масар Омерагиќ во континуитет нагласува дека фудбалската федерација ќе биде постојана поддршка за фудбалските клубови низ цела Македонија и дека со создавање на подобри услови за најмладите фудбалот во Македонија ќе има подобра иднина.
Според најавите, наредниот период се очекува и голем број други општински фудбалски сојузи да ја следат акцијата на ОФС Гази Баба и Дарко Костовски, кој од јануари оваа година доби четиригодишна доверба да го води сојузот, а е член и на Управниот одбор на ФФМ.
Долгодишниот истакнат фудбалски судија, Зоран Николовски кој е и меѓународен фудбалски судија со безброј отсудени дерби мечеви и се уште активен во мак-фудбалот како контролор, инструктор, ментор на многу судии исто така со пофални зборови за Дарко Костовски. Се уште низ максимален ангажман помага и во судиската организација и е од помош во општинските сојузи.
„Вклучен сум во општинскиот сојуз со желба да бидеме на постојано располагање на сите судии, а во договор со претседателот Дарко Костовски кој е максимално посветен на фудбалот. Од неговото назначување за претседател на еден од најголемите општински фудбалски сојузи во Македонија неуморно се залага за нови проекти и ги подржува сите фудбалски екипи од сојузот, па верувам дека само со посветена работа може фудбалот да го издигнеме на скалило погоре“ – вели Николовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
