Од редовите на второтолигашот Охрид се огласија со реакција незадоволни од судењето на натпреварот со Воска, преку видео-материјали тврдејќи дека очигледно се оштетени на мечот кој го загубија со 1-0 по досуден непостоечки пенал за противникот.
„Досудена непостоечка офсајд позиција за Охрид и скратена можност за погодок, двојно играње со рака на противникот во шеснаесетникот и недосуден очигледен удар од белата точка за Охрид и на крај во судиското продолжение досуден пенал за Воска по очигледна офсајд позиција на противничкиот фудбалер и непостоечки пенал. Одлучете сами дали овие ситуација директно влијаеја на конечниот резултат“ – се вели во реакцијата од Охрид.
Охрид во рамноправен натпревар на градската пресметка на крајот загуби токму по досудениот пенал за Воска во самиот финиш, на кој се чини му претходеше и офсајд позиција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
