Фудбалерите на Шпанија ја освоија титулата светски шампион победувајќи ја Аргентина по продолженијата (1-0), но големата прослава по завршувањето на финалето на СП 2026 беше засенета од жесток конфликт меѓу играчите и членовите на аргентинскит стручен штаб на теренот.
Меѓу оние кои се најдоа во центарот на инцидентот беше Дани Олмо, поранешен фудбалер на Динамо Загреб.
„Мојата прва реакција беше да возвратам“
Олмо откри дека за време на гужвата се обидел да ги раздели своите соиграчи и да ја смири ситуацијата, но во таа прилика, како што тврди, бил удрен во вратот од помошниот тренер на Аргентина, Роберто Ајала.
„Кога некој од нивниот стручен штаб ќе ги стави рацете на вашето лице, првата реакција е да возвратите. На крајот на краиштата, јас сум човек и во такви ситуации инстинктот ве тера да се браните. Сепак, успеав да се воздржам“, рече Олмо.
El puñetazo que le da a Olmo en el cuello? Son unos salvajes pic.twitter.com/vuKVRwDgc2 https://t.co/cYq2WtlRdg
— Álex (@LxoMessismoFCB) July 20, 2026
„Мора да бидеме пример за децата“
Шпанскиот репрезентативец истакна дека одговорноста кон најмладите е причината зошто не сакал да одговори на провокацијата.
„Ние сме модели за идоли за илјадници момчиња и девојчиња. Затоа мора да ги покажеме вистинските вредности. Не сакав да испратам лоша порака до децата и навивачите кои го гледаа натпреварот дома. Имаме одговорност кон новите генерации“, рече шпанскиот играч од средниот ред.
🚨🥊 Full scenes after final whistle.@MickyJnr__ 🎥 pic.twitter.com/ZXCvAFkHwy
— Fabrizio Romano (@FabrizioRomano) July 20, 2026
„Покажавме повеќе достоинство – Освен Меси, сите од нив бараа причина за тепачка“
Олмо не сакаше премногу да се задржува на однесувањето на неговите ривали по поразот, но јасно стави до знаење што мисли за сцените што следеа по последниот свиреж.
„Искрено, не ме интересира што направија по натпреварот. Можат да прават сцени, да предизвикуваат инциденти или да влегуваат во конфликти колку што сакаат. Мислам дека покажавме многу повеќе достоинство и класа, и на теренот и по натпреварот“, рече Олмо.
На крајот, тој имаше порака што сигурно ќе предизвика бројни реакции.
„Да бидам искрен, освен Лионел Меси, кој секогаш се однесува како господин, имав впечаток дека сите други од нивниот тим и тренерскиот штаб само чекаа каква било причина за да избувнат“, заклучи Олмо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
