Екс-репрезентативецот на Германија, Месут Озил кој е исклучен од првиот тим на Фенербахче изјави дека не планира да оди во друг клуб и дека ќе стави крај на кариерата во „жолто-црниот“ клуб од Истанбул.
Озил дојде во редовите на Фенербахче во јануари 2021 година.
„Ја остварив целта со тоа што потпишав договор на 3,5 години со Фенербахче, мојата детска љубов и без да добијам плата во првите шест месеци. Нема да ја завршам кариерата во друг клуб. Додека имам договор ќе останам во Фенербахче. Мојата љубов кон Фенер е посилна од се. Значи не одам никаде ќе ја завршам кариерата овде“, изјави Озил кој претходно играше за Арсенал и за Шалке.
По ваквата изјава Озил стави крај на шпекулациите дека ќе продолжи во Мексико (Несакса), во МЛС лигата или во Индонезија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА