Легендата на германскиот бундеслигаш Херта, Пал Дардаи, ќе ја напушти тренерската позиција во клубот на крајот од сезоната. Унгарецот цели 22 години е дел од клубот и понудено му е да остане и да се префрли во младинската академија, од каде што во 2015 година беше прекомандуван за шеф на стручниот штаб.
„Потребен ни е нов стимул и на лето ќе биде назначен нов тренер на сениорскиот тим. Пал Дардаи е клупска легенда и тој секако ќе остане дел од нашето семејство“, изјави генералниот менаџер на Херта, Михаел Прец.
Пал Дардаи дојде во Херта во далечната 1997 година, играше до 2011 година, а потоа стартуваше и тренерска кариера во младите категории на клубот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
