Фудбалерот на Аталанта, Папу Гомез, остро ги критикуваше сите луѓе кои се однесуваат неодговорно во текот на пандемијата од коронавирусот. Италијанскиот град Бергамо е еден од најзагрозените градови во светот. Поради тоа владата воведе ригорозни мерки и во голем број на градови во Италија не постои јавниот живот. Сепак, се уште постојат луѓе кои не се држат до правилата и се главни виновници за проширување на ковид-19.
„Порака до сите спортисти или лажни спортисти кои сакаат да излезат надвор и да тренираат, останете дома. Имате ли памет? Доста, доста, доста. Секое утро се будам со ужасни вести, луѓе умираат, а вас како да ви е гајле за тоа. Идете сите дома, никој не треба да излегува“, напиша Гомез.
Од коронавирусот во Италија само во последните два дена умреа повеќе од 850 луѓе.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА