Европскиот фудбал вечерва тагува по Радомир Антиќ, откако српскиот стратег почина во Шпанија на 71-годишна возраст. Пораки во чест на трофејниот стручњак стигнуваат од сите страни, а меѓу најемотивните дефинитивно е онаа од Партизан, клубот во кој Антиќ настапуваше како фудбалер во периодот од 1968 до 1976 година.
Српскиот фудбалски гигант преку соопштение на официјалната веб-страница се прости од својата легенда:
„Само еден црно-бел човек ги водеше трите најголеми шпански клубови: Реал Мадрид, Барселона и Атлетико Мадрид.
Само еден црно-бел човек има внуци кои во копачки на Партизан трчаат по шпански терени.
Само еден црно-бел човек беше и остана вистински Мистер.
Само еден човек од вечерва „ќе те бодри од онаа страна, Партизане“.
Со неговата смрт, таа љубов не запира.
Вечнаја памјат, Радомир Антиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
