Македонскиот кошаркарски вицешампион Пелистер доживеа пораз во последниот меч во балонот од АБА 2 во Бања Лука откако загуби од српскиот прволигаш Златибор Чајетина со 75-69.
Србите подобро го отворија мечот и по десет минути игра имаа предност од шест поени 20-14. Во втората четвртина разликата успеаја да ја зголемат за четири поени и на пауза да заминат со двоцифрена предност 37-27.
Во второто полувреме избраниците на Марјан Илиевски дадоа максимум да се вратат целосно во мечот, но не успеаја па на крајот Златибор стигна до конечен триумф од 75-69.
Немања Протиќ со 23 поени беше прво име во таборот на победникот, додека кај поразените Донтеј Карутерс заврши со 22 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
