Вицешампионот Пелистер обезбеди големо засилување непосредно пред стартот на новата сезона од македонскиот шампионат, откако битолчани влегоа во завршна фаза од преговорите со Донован Доналдсон.
Станува збор за експлозивен плејмејкер и поентер кој пред неколку сезони настапуваше за Гостивар, а сезонава ја почна како член на ТФТ. Причините поради кои ќе дојде до разделба меѓу Доналдсон и ТФТ не се познати, но „пелистерци“ се подготвени да ја искористат ситуацијата и да го доведат Американецот во своите редови.
Пелистер беше во потрага по поентер откако летово тимот го напуштија Малешевиќ и Кесар, кои беа главни стрелци на тимот на Марјан Илиевски. Откако крилните и центарската позиција ги пополни со поинаков профил на играчи, актуелниот вицепрвак се фокусираше на квалитетен комбо-бек, профил во кој Доналдсон одлично се вклопува.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
