Португалскиот дефанзивец Пепе, кој речиси беше договорен за трансфер во Интер, сепак, ќе заобиколи Милано и ќе се упати кон Париз. Искусниот одбранбен фудбалер кој го напушта Реал Мадрид, според шпанскиот весник „Марка“, одлучил да потпише двегодишен договор со Пари Сен Жермен и ќе се пресели на „Паркот на принцовите“.
Причина за ова е побогатата понуда што ја испратил Унаи Емери, но и можноста Пепе повторно да игра во Лигата на шампионите. Италијанскиот калчолигаш Интер нема да настапува на меѓународна сцена во следната сезона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
