Жерар Пике летово ја напушта Барселона, пренесуваат шпанските медиуми. Искусниот фудбалер веќе ја соопштил веста на раководството на Каталонците дека по 12 години сака да го напушти „Камп ноу“, а негова следна дестинација се наведува дека е МЛС лигата.
Иако има договор до 2022 година, одбранбениот фудбалер заедно со неговата сопругата Шакира, одлучиле дека е време да ја напушти Барселона и да ја продолжи кариерата во друг клуб. Како прв фаворит се споменува новата МЛС франшиза Интер Мајами, чиј сопственик е легендарниот Дејвид Бекам.
Пике е само едно од звучните имиња кои се споменуваат со премин во овој клуб. Како потенцијални засилувања се споменуваат и Давид Силва, Серхио Бускетс, Единсон Кавани…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
