Аргентинскиот интернационалец Серхио Агуеро во Неапол, на мечот против Наполи во ЛШ, стана најдобар стрелец во историјата на Манчестер сити. Тој го постигна 178.гол во дресот на „граѓаните“ и со тоа го урна рекордот на Ерик Брук, кој беше стар 78 години.
Рекордерот доби и специјален подарок од „Пума“, компанијата за спортска опрема која ги изработува неговите копачки. Дизајнирана е специјална серија со златна боја, која ќе биде наменета токму за Серхио Агуеро и неговиот рекорд. Аргентинецот треба да ги носи на денешното дерби од Премиер – лигата против Арсенал на „Етихад“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
