Арсенал, Ливерпул, Манчестер Сити, Баерн Минхен, Борусија Дортмунд, Ајакс се само дел од европските гиганти кои се заинтересирани за потпис со 17-годишниот Турчин, Арда Гулер кому скаутите му предвидуваат блескава иднина.
Фудбалерот на Фенербахче е често споредуван со Месут Озил, а оваа сезона играчот од средниот ред имаше шанса и да заигра рамо до рамо со германскиот репрезентативец со турско потекло. Гулер за првиот тим на истанбулскиот состав настапи на 10 средби во турското првенсто, во кои три пати се запиша во листата на стрелци, а два пати асистираше до соиграчите.
Покрај тоа миленикот на навивачите стекна и интернационално искуство со два настапи во Конференциската лига, а шансата ја круниса со две асистенции. Одличните настапи на младиот играч не ги заборавија и најверните фанови кои истакнаа транспаренти „Арда Гулер, турскиот Меси“.
Во моментот најблиску до потпис со Гулер се германските гиганти Баерн Минхен и Борусија Дортмунд, но нема да биде изненадување доколку Турчинот заврши во редовите на Барселона како дел од младиот тим на Чави.
〰️🔥🔗⚽️〰️〰️🤩 Vamos 🟡🔵 Special banner from #Fenerbahçe fans for their young stars! #FBvGS #ArdaGuler, Turkish Messi” & y not cR7 or Neymar -;) #FenerinMaçiVar #Fenerbahce #Galatasaray pic.twitter.com/iUWeKsWoEG https://t.co/4s91z5iAae
— Digital News Reports (@katar_social) April 10, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
