Вардар 1961 нема да го одигра вториот натпревар во Регионалната ракометна лига според првичниот распоред.
Гостувањето кај Динамо Панчево, кое беше закажано за 26 август, е одложено поради проблемите со кои се соочува македонскиот тим. Од таборот на „црвено-црните“ побарале одложување поради серијата повреди, но и вирус кој го погодил составот.
Поради ваквата ситуација, Вардар не е во можност да отпатува во Панчево и да го одигра натпреварот во предвидениот термин.
Барањето на македонскиот клуб било прифатено од Динамо Панчево, како и од раководството на Регионалната ракометна лига. Од Вардар упатија благодарност до двете страни за разбирањето и прифаќањето на одлуката.
Новиот термин за одигрување на натпреварот дополнително ќе биде објавен.
Вардар на стартот од сезоната во регионалното натпреварување забележа победа над Војводина, совладувајќи ја со 36:30, па сега ќе мора да почека за својот втор настап.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
