Ракометната репрезентација на Македонија ги доби противниците за Светското првенство кое на почетокот на следната година ќе се одржува во Полска и Шведска. Денешната ждрепка во Катовице одлучи, Македонија да се најде во групата Ф заедно со репрезентациите на Норвешка, Холандија и Аргентина. Нашата репрезентација немаше среќа на ждрепката бидејќи можеше да се падне и многу полесна група.
Познати се и термините на натпреварит на нашата репрезентација во првата фаза во групата која ќе се игра во Краков. Сите натпревари Македонија ќе ги игра во терминот од 20.30 часот. Почнуваме со Норвешка на 13. јануари. Два дена подоцна играме со Холандија, а групната фаза ја затвораме со дуелот против Аргентина на 17. јануари.
13. јануари – 20.30 часот, Македонија – Норвешка
15 јануари – 20.30 часот, Македонија – Холандија
17 јануари – 20.30 часот, Македонија – Аргентина
Најдобрите три селекции од секоја група ќе се квалификуваат во главната групна фаза.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
