Лука Дончиќ беше во главна улога на синоќешниот дуел меѓу Далас и Јута, на кој домаќините славеа со 111-103, прекинувајќи ја серијата од девет победи на „џезерите“ од Солт Лејк Сити. Јута е тим со најдобар скор во лигата моментно, до синоќа имаше претрпено само 11 порази (со 38 победи), но не успеа да најде лек да го неутрализира Лука Дончиќ. Словенецот одигра беспрекорно, реализирајќи 31 поен надополнети со девет скокови и осум асистенции, а одлична помош доби од Фини Смит со 23 и Брансон со 20 поени.
Increíble lo de este tipo. La estrategia de Utah fue defenderlo con doble marca y cerrarle la pintura para evitar que atacara el aro. Luka Doncic hizo el ajuste y decidió tirar triples y repartir juego.
31 puntos (6-11 T3)
9 rebotes
9 asistencias#MFFL pic.twitter.com/GfWjwXpO4b— Esteban Letona (@EstebanLetona) April 6, 2021
Бруклин по огромна битка триумфираше над Њујорк со 114-112, дуел на кој брилијантен беше Кајри Ирвинг реализирајќи 40 поени и 7 асистенции. Сепак, дуелот остана во сенка на повредата на Џејмс Харден, кој по само четири минути мораше да го напушти теренот и повеќе не се врати во игра.
Торонто го доби Вашингтон со 103-101, а на гостите не им помогна ниту најновиот трипл-дабл на Расел Вестбрук (23 поени, 14 скокови, 11 асистенции).
Резултати:
Бруклин – Њујорк 114-112, Далас – Јута 111-103, Минесота – Сакраменто 116-106, Оклахома – Детроит 108-132, Сан Антонио – Кливленд 101-125, Торонто – Вашингтон 103-101, Хјустон – Феникс 130-133.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА