Фудбалерот на Вилјареал Самуел Чуквуезе, кој пред неколку дена донесе шокантен пораз на Реал Мадрид и тоа среде „Сантијаго Бернабе“, би можел во иднина да настапува во дресот на „кралевите“. Според информациите од Шпанија, Реал е подготвен да достави понуда до „жолтата подморница“ за услугите на десното крило.
Чуквуезе постигна два гола за Вилјареал на гостувањето кај Реал Мадрид, во победата на својот тим од 2-3. Наводно извонредната партија на Чуквуезе му се допаднала на Флорентино Перез, кој сака да ги комплетира крилните позиции со Винициус – Чуквуезе, со тоа што ќе добие играч плус во средниот ред со оглед дека Фредерико Валверде ќе може да се врати на својата матична позиција играч за врска.
Чуквуезе во моментов е проценет на 50 милиони евра, сума која што Реал без проблем ќе ја плати како отштета за неговите услуги и ќе добие квалитетно десно крило.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА