Екипата на ФК Аеродром на свој терен го совлада шампионот Шкендија Арачиново со 4-3, а двоен стрелец на оваа средба беше играчот на домашниот тим Леонид Филиповски.
Филиповски постигна прекрасен гол, откако по една нафрлена топка од корнер и волеј на свој играч, го измами гостинскиот голман со „кунг-фу“ шут од 9-10 метри. Овој гол потсетува на оној на познатиот голгетер Златан Ибрахимовиќ, кој погоди во времето кога играше за ЛА Галакси.
Филиповски ги постигна головите во 68. и 86. минута, носејќи победа за својот тим. Шкендија и претходно го имаше обезбедено првото место и баражот за пласман во Втората лига.
Филиповски потекнува од младинската школа на Работнички, и бил дел и од Фудбалската Академија на ФФМ, втора генерација.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
