Ракометарите на Прилеп во драматичен натпревар успеаја да триумфираат на гостувањето против Младост Богданци (), стигнувајќи до бодови со кои остануваат во игра за третото место во групата и пласман во плејофот. И покрај слабото прво полувреме, избраниците на тренерот Кузманоски одиграа далеку подобро во нападот во вториот дел, направија пресврт и стигнаа до посакуваните три бода.
Првите 30 минути ги одбележа одлична игра во одбраната на Младост, домашните ракометари целосно го контролираа резултатот и на одмор заминаа со водство од 13-9. Младост добро го отвори и вториот дел, поведе со 15-10, но потоа следеше серија одлични напади на гостинскиот тим, кој набрзина стигна до израмнување од 17-17. Во неизвесна завршница се играше „гол за гол“, а Прилеп имаше повеќе расположени ракометари во својот состав, на крајот стигнувајќи до триумф.
Чантурија беше прв стрелец и на овој натпревар со 13 погодоци, додека кај Младост најефикасен беше Мите Стоилов со девет постигнати гола.
Прилепчани со оваа победа сега имаат 13 бода, два помалку од Еурофарм Пелистер 2 во трката за третото место во групата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
