Реал Мадрид претрпе пораз од Мајорка во последното коло од Ла Лига со кој сега се наоѓа осум бода зад лидерот на табелата Барселона. Покрај поразот „кралевите“ имаат и дополнителни маки откако останаа без услугите на Тибо Куртоа.
Белгискиот голман се поведил на загревањето за натпреварот со што во последен момент беше отстранет од почетните единаесетмина, а првичните прогнози не се воопшто добри. Тој со сигурност ќе го пропушти Светското клупско првенство кое ќе биде одиграно оваа седмица.
Покрај тоа е неизвесен и за натпреварот од осминафиналето во Лигата на Шампионите во кој мадридскиот тим за противник ќе го има Ливерпул. Првиот натпревар од нокаут-фазата ќе биде одигран на „Енфилд“ на 21. февруари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
