Италијанецот Флавио Коболи синоќа се пласираше во осминафиналето на Мастерсот во Монтреал.
Тој ја растажи канадската публика бидејќи таму беше подобар од момчето од Монтреал, Феликс Оже-Алиасиме, со 2-0, по сетови 6-3 и 6-2.
Коболи, кој на турнирот пристигна како 33. во светот, откри кој му бил омилен играч и кого се обидел да го копира на мечот против Канаѓанецот.
„Секогаш го имав Ноле како играч на кој се угледував. И тука се обидувам малку да го имитирам. Не е само техниката што ми се допаѓа, туку и менталитетот. Се обидувам да ги вклучам и најмалите работи како работи што ги кажува на прес-конференции. Откако објасни како позитивно ја трансформирал поддршката од публиката кон неговиот противник, го применив и јас тој метод. Го повторив тоа неколку пати и морам да да признаам дека функционира!“, рече Коболи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
