Полн стадион „Младост“ во Струмица се очекува за утрешниот реванш натпревар меѓу Вардар и Малме од 2. квалификациско коло за Лигата на шампионите.
Според последните информации повеќе од 4.000 билети се распродадени за европскиот натпревар на македонскиот шампион, па домаќините дефинитивно очекуваат без малку комплетно распродаден стадион до утре, со исклучок на оние места кои мора да бидат резервирани за гостински навивачи.
По неизвесноста која владееше меѓу македонските фудбалски фанатици кои нема да може да присуствуваат на натпреварот во Струмица, денеска и информацијата дека мечот ќе биде пренесуван во живо на ТВ Нова со почеток од 18 часот.
По првиот дуел Вардар има позитивен резултат од Малме, 1-1, кој носи сериозна надеж за пласман во следната рунда европски натпревари.
Главен судија ќе биде Украинецот Анатолиј Жабченко, а ќе му помагаат сонародниците Александар Војток и Сергеј Бекер. Четврти судија ќе биде Александар Дердо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
