Нашата најдобра фудбалски судијка, интернаcионaлката Ива Пројковска, туку што се врати од семинарот во Ница, организиран од страна на УЕФА за најелитните фудбалски женски судии во Европа, а веќе денеска замина за Шведска каде на 28. септември ќе биде главен судија на мечот од групната фаза во Лигата на шампионите меѓу шведскиот претставник Хакен и познатата француска екипа Пари Сен Жермен.
На дуелот во Шведска, ќе и помагаат Вјолца Изеири и Елена Соклевска-Илиевска. Четврти судија ќе биде Ирена Велевачковска.
Ива Пројковска е единствен судија и кај мажите и кај жените во Македонија која им има судено на трите најпознати европски фудбалски гиганти. Пред Пари Сен Жермен беше главен судија на Реал Мадрид и на Барселона.
Претходно, на семинарот на УЕФА во Ница, на кој присуствуваа 2о најелитни женски европски судии, Пројковска со успех ги положи физичките норми и сите писмени тестови.
/М.М/
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА