Килијан Мбапе ќе се најде во составот на ПСЖ за вечерашниот натпревар против Борусија Дортмунд, откако францускиот голгетер се најде на списокот со фудбалери на тренерот Тухел за овој реванш-дуел.
Мбапе во претходните три дена воопшто на тренираше поради болест, а ситуацијата стана алармантна откако вчера беше објавено дека врз него е извршено тестирање за коронавирус. Сепак, утрово стигнаа и официјалните резултати – тестот над Мбапе беше негативен, по што Тухел реши да го вклучи во екипата. За очекување е францускиот репрезентативец мечот да го почне од клупата за резерви, а во игра да влезе доколку е неопходно, во обид ПСЖ да ја надополни негативата од 1-2 од првиот натпревар во Дортмунд.
Лоша вест за Тухел е што капитенот Тијаго Силва не се рехабилитираше навреме од својата повреда и нема да може да настапи на вечерашниот натпревар, што ќе се игра пред празни трибини на „Паркот на принцовите“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
