Ракометниот клуб Еурофарм Работник денес го претстави своето најново засилување, хрватскиот интернационалец Лука Ковачевиќ. Станува збор за 197-сантиметри висок ракометар кој настапува на позицијата десен бек, а во Битола доаѓа од редовите на норвешкиот прволигаш Викинг.
25-годишниот Ковачевиќ е „дете на Замет“, а во својата кариера настапуваше и за ОИФ Арендал Елите и за Викинг. Доаѓа како големо засилување и како втор странски новајлија ова лето по црногорскиот кружен напаѓач Чампар.
Со хрватската репрезентација до 18 години има сребро на Медитеранските игри и бронза од младинските Олимписки игри. Најголем успех во клупската кариера му е Куп-финалето со Замет во 2012 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
