Реал Мадрид го предложи Рафаел Надал за нов член на Управниот одбор на клубот, а конечната одлука за неговото назначување ќе ја донесе Собранието на клубот.
Реал Мадрид има ново, исклучително звучно име во своите управувачки структури. Еден од најголемите спортисти во историјата на Шпанија, Рафаел Надал, е назначен за член на Управниот одбор на познатиот фудбалски клуб, давајќи му нова димензија на неговата долгогодишна поврзаност со мадридскиот гигант.
Одлуката е донесена на состанокот на Управниот одбор одржан во среда, 4 ноември, а предлогот за негово назначување ќе биде испратен до Собранието на претставници на членовите на клубот за потврда.
„Управниот одбор на Реал Мадрид одлучи да му предложи на Собранието на претставници на членовите на членовите назначувањето на Рафаел Надал Парера, член на клубот број 67.778, за нов член на управното тело“, се наведува во официјалното соопштение.
Надал долго време е познат како голем обожавател на Реал Мадрид, а неговиот статус во клубот досега беше поврзан со членство и почесно признание. Сега тој ќе има можност директно да учествува во донесувањето одлуки во врска со функционирањето и иднината на еден од најголемите фудбалски клубови во светот.
Во Мадрид не кријат колку им значи доаѓањето на човек чие име ги надминува границите на тенисот и кој стана еден од најпрепознатливите спортски амбасадори на својата земја.
„Голема привилегија е за Реал Мадрид и сите негови навивачи што човек со таков углед ни се придружува. Неговите резултати, како и квалитетите што го красат надвор од спортските терени, го прават вистинска икона на шпанскиот и светскиот спорт. Убедени сме дека неговото присуство ќе придонесе за нашиот клуб и неговите планови за иднината“, порачаа од Реал.
Иако влегувањето на Надал во управувачките структури веќе е поврзано со иднината на клубот, во шпанските медиуми се појавија шпекулации дека овој потег би можел да има пошироко значење. Некои навивачи го гледаат како потенцијален наследник на Флорентино Перез, кој има 79 години, но нема официјална потврда за ваквите тврдења. Во овој момент, се знае само дека Надал ќе стане член на Управниот одбор.
🚨🤍 Real Madrid club statement on Rafa Nadal.
The Board of Directors of Real Madrid C.F., meeting today, Wednesday, November 4, has agreed to submit the ratification of the appointment of Rafael Nadal Parera—member number 67,778 of our club—as a new member of the Board of Directors to the General Assembly of Representative Members.
Rafael Nadal, an honorary member of Real Madrid, is one of the greatest legends in the history of sport and one of the most admired and recognized Spanish athletes worldwide.
It is a source of immense pride for Real Madrid and the entire *madridista* community that a figure of his stature—both in terms of sporting achievement and personal character, and a true icon of Spanish and global sport—should join our Board of Directors, contributing from this position to the present and future of our club.
With an extraordinary record—including 92 individual titles, 22 Grand Slam trophies, two Olympic gold medals, five Davis Cup victories with Spain, and a stint as the world’s number-one-ranked player—Rafael Nadal has carved out a legendary sporting career. Yet, he represents far more than just his successes: his talent, his constant drive for self-improvement, his capacity for sacrifice, his competitive spirit, his humility, his respect for both rivals and teammates, and his commitment to helping others make him an exemplary figure, both on and off the court.
These values are core to the identity of Real Madrid; Rafael Nadal has embodied and championed them throughout his entire sporting career, becoming an inspiration to millions of people across the globe.
— Fabrizio Romano (@FabrizioRomano) November 4, 2026
Репутацијата што ја ужива новиот член на раководството најдобро ја илустрира неговата спортска биографија. Во текот на својата кариера, тој освои дури 92 АТП титули, од кои 22 на грендслем турнири. Покрај тоа, Шпанецот има два златни олимписки медали, пет трофеи од Дејвис купот со националниот тим и статус на поранешен тенисер број еден во светот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
