Иван Ракитиќ сака да биде сопственик на сопствената иднина. Ова јасно го става на знаење во интеврју за шпанскиот „Мундо Депортиво“. Хрватот чија иднина е се подалеку од „Камп Ноу“ вели дека Барселона мора да има почит за него.
„Јас не сум вреќа со компири. Сакам да бидам онаму каде што ме ценат. Ако тоа е во Барселона добро, ако не ќе одам онаку каде што јас ќе одлучам“ – вели Ракитиќ во денешното издание на весникот.
Ракитиќ е поврзуван со трансфер во Атлетико Мадрид и во Севилја каде што играше пред да дојде во Барселона. За каталонскиот клуб имаше значајна улога во претходните години, но сезонава ја загуби позицијата на стартер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА