Ракометната репрезентација на Македонија следниот месец ќе ги стартува подготовките за СП 2023 што во јануари во групната фаза ќе ја игра во Краков, а како дел од овие подготовки избраниците на Кире Лазаров ќе настапат и на турнир во Хрватска.
Како што информира Хрватскиот Ракометен Сојуз, турнирот „Кроација Куп“ е предвиден да се игра на почетокот од месец, а гости на „коцкестите“ на овој турнир ќе бидат Македонија и Израел.
Ова значи дека „црвено-жолтите“ ќе имаат две контролни средби во Хрватска, а не се исклучува можноста за одигрување и на најмалку уште еден пријателски натпревар во Скопје, пред тргнувањето за Краков.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
