Машката ракометна репрезентација на Македонија од денеска и официјално стартува со подготовките пред бараж-двомечот со Романија за пласман на СП 2019 во Германија и Данска. Од 20 репрезентативци што се на списокот на селекторот Раул Гонзалес за оваа акција, на собирот недостасуваа Филип Миркуловски и Филип Талески, кои вчера со нивните клубови ги одиграа последните натпревари во Бундес-лигата.
Во наредните шест дена македонските репрезентативци ќе тренираат во СЦ „Борис Трајковски“. Првиот натпревар со Романија е на 10 јуни во Скопје, а реваншот на 13 јуни во Клуж.
Поуспешната селекција од овој дуел ќе обезбеди место на Светското првенство што ќе се одржи во јануари во Германија и во Данска.
Македонските ракометари досега имаат пет настапи на ракометните мундијали, на последните три во континуитет.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
