Капитенот на Реал Мадрид, Серхио Рамос изјави дека тој нема никаква врска со враќањето на Зинедин Зидан на клупата на мадридскиот клуб. Фудбалерите на Шпанија ја совладаа Малта со 2-0 во квалификациите за Европското првенство, а по натпреварот Серхио Рамос наместо прашања за мечот против Малта, добиваше прашања за ситуацијата во Реал Мадрид и дали тој е „виновникот“ за враќањето на Зинедин Зидан.
„Промените можат да донесат нешто добро. Проживеавме прекрасни моменти со Зидан, така што убаво е што се врати дома. Неговото доаѓање беше добра вест за сите играчи. Одлуката за неговото доаѓање не е моја иако сите мислат така. Капитен сум, ако некој ме праша ќе му кажам што мислам. Никогаш не сум наметнувал мое мислење“, рече Рамос.
Реал Мадрид е елиминиран од Лигата на шампионите и Купот на кралот, а во домашното првенство заостанува 12 бода зад Барселона.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
