Англискиот премиерлигаш Манчестер Јунајтед успеа да го убеди репрезентативецот на гордиот Албион, Маркус Рашфорд, да го продолжи договорот со клубот. Раководството му понуди продолжување на соработката до 2025 година и само мали детали го делат Рашфорд од потпис на новиот договор, според кој ќе заработува тројно повеќе. Актуелниот договор на напаѓачот истекува на 30 јуни 2020 година, а тој е цел на европскиот првак Реал Мадрид. Сепак, Јунајтед нема лесно да се откаже од својата млада ѕвезда.
Раководството на Манчестер Јунајтед е фокусирано и на преговорите со шпанскиот голман Давид Де Хеа. И тој би можел да си замине како слободен агент до јуни 2020 година, а клубот посакува уште долго да го задржи на Театарот на соништата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА