Реал ќе го „жртвува“ Камавинга за да го добие Белингем

Реал Мадрид со сите сили на лето ќе тргне по услугите  на Џуд Белингем од Борусија Дортмунд. „Милионерите“ за него бараат 130 милиони евра, за да го пуштат, а „кралевите“ имаат план како да дојдат до неговиот потпис.

Според германски „Скај Спорт“, европскиот првак е подготвен на „Вестфален“ да го испрати францускиот интернациналец Едуардо Камавинга, и плус 100 милиони евра за да дојде до потписот на играчот од средниот ред, кој е еден од најдобрите во моментов.

Единствена пречка, според „Скај“ може да биде дали Камавинга ќе се согласи да стигне во Дортмунд. Јасно е дека 20-годишникот не е задоволен од минутажата во Мадрид, но во исто време кажува дека нема намера да замине од Мадрид.

Се вчитува...