Шпанскиот гигант Реал Мадрид е заинтересиран за напаѓачот на Арсенал, Пјер – Емерик Обамејанг, но му постави ултиматум на англискиот премиерлигаш. „Топчиите“ ќе мора до 15 јуни да се изјаснат дали се сложуваат да го продадат одличниот напаѓач на „Сантијаго Бернабеу“.
Тренерот на „кралскиот клуб“, Зинедин Зидан, е решен да доведе нов напаѓач во тимот за следната сезона. Негов прв избор е Обамејанг, но Реал Мадрид сака брз одговор од Арсенал дали зделката би можела да се реализира, во спротивно ќе се насочат на друг напаѓач.
Пјер – Емерик Обамејанг во јануари 2018 година од Борусија Дортмунд за сума од 63 милиони евра се пресели во Арсенал. Тој досега одигра 97 натпревари за „топчиите“ и постигна 61 гол, забележувајќи и 13 асистенции. Во меѓувреме ја заслужи и капитенската лента во тимот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
