Кошаркарите на Реал Мадрид стигнаа до десетата победа во Евролигата откако славеа на гостински терен кај Басконија со 60-88. Предводник на „кралскиот клуб“ беше Козер со 13 поени и 2 скока, а него го следеше Ертел со 12 поени и 9 асистенции. Кај домаќините по 14 поени забележаа Енок и Фонтекио на кои Италијанецот додаде и 7 скока.
Панатинаикос го најде решението за Зенит, ставајќи крај за низата од пет победи едно по друго на Русите со триумф од 70-64. Немања Недовиќ беше предводник на атинскиот клуб со 18 поени и 5 асистенции, додека дабл-дабл од 17 поени и 12 скока забележа Папајанис. Кај гостите најрасположен беше Лојд со 15 поени.
На победа од 91-86 се радуваше Алба која во Берлин го доби Макаби. Ериксон беше предводник на домашниот тим со 19 поени, а лидер на гостите беше Вилбекин со 22 поени и 5 асистенции. Хрватот Жижиќ мечот го заврши со 17 поени и 6 скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА