Реал потврди: Солари останува тренер до 2021 година

Сантијаго Солари ја оправда довербата на Флорентино Перез славејќи на првите четири средби како тренер на Реал Мадрид, па аргентинскиот стратег денеска заслужено доби и долгорочен договор како предводник на актуелниот европски првак. Иако претходно беше најавуван договор на 18 месеци, Реал вечерва објави дека новиот договор ќе биде со важност до јуни 2021 година, што значи дека Солари би останал во Мадрид до крајот на оваа и во наредните две натпреварувачки сезони.

„Бордот на директори на клубот денеска донесе одлука со Сантијаго Солари да биде потпишан договор до 30 јуни 2021 година“ – се вели во клупското соопштение на актуелниот европски првак.

Солари дојде на чело на првиот тим од младинската школа на Реал Мадрид. Тој на одговорната функција го наследи Хулен Лопетеги, експресно ја врати победничката атмосфера во екипата, но допрва следат вистинските предизвици, трката со Барселона во „Ла Лига“ и одбраната на титулата во нокаут фазата од Лигата на шампионите.

Се вчитува...