Реал Мадрид со фуриозна последна четвртина успеа да стигне до победа на гостувањето во Литванија кај Жалгирис Каунас од 90-93. Литванскиот тим во три четвртини го контролираше резултатот, но „кралевите“ со одлична игра во последните 10 минути успеаја да направат пресврт и да стигнат до третата победа сезонава. Најдобар поединец кај гостите беше Валтер Таварес кој мечот го заврши со 22 поени и 12 скока, а добар меч имаше и Факундо Кампацо кој уфрли 19 поени и 10 аситенции. Кај Жалгирис Томас Волкап уфрли 18 поени.
Турскиот Фенербахче славеше над Химки со 83-71. Домаќините во текот на целиот меч го контролираа резултатот и на крајот стигнаа до нова победа сезонава од 83-71. Џерел Еди и Дишон Пјер со по 16 поени беа најефикасни во победничкиот табор, додека кај поразените се истакна Џордан Мики со 19 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
