Приказните за НБА Европа е во полн ек. Нови информации пристигнуваат од Англија, каде што се зборува за основање на кошаркарски клуб Манчестер јунајтед.
Наводно Џим Ретклиф одобрил почеток на кошаркарската секција. Поточно, рестартирање на кошаркарската секција, бидејќи Јунајтед имаше кошаркарски клуб цели три години од 1985 до 1988 година.
Јунајтед е еден од фудбалските гиганти кои ќе се впуштат во оваа авантура, се разбира пред се од финансиски причини.
Во приказната за лансирањето на проектот НБА Европа се споменува и Пари Сен Жермен, како и оригиналните кошаркарски гиганти Реал Мадрид, Барселона и Баерн, кој има кошаркарска традиција. Се споменуваат и Галатасарај, Бешикташ, Фенербахче и интересно Бетис.
Во ова светло, англиските медиуми пишуваат дека Ретклиф одобрил почеток на кошаркарски клуб, како и изградба на кошаркарска сала, веднаш до „Олд трафорд“. Салата треба да има капацитет од 15.000 седишта.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
