Екипата на Лацио е во големи проблеми непосредно пред првото градско дерби против Рома за оваа сезона, најдобриот стрелец во Серија А Чиро Имобиле го пропушти вчерашниот тренинг, и најверојатно нема да настапи. Засега причините не се познати, но напаѓачот не одржа ни посебен тренинг настрана тимот.
Тренерот Симоне Инзаги беше приморан да го менува својот план за лутиот ривал, па Луис Нани беше теститиран како најистурен фудбалер во формацијата.
Фелипе Каиседо исто така е вон строј, додека Фелипе Андерсон се уште нема забележано настап во оваа сезона, се уште се оправува од повреда на коленото.
„Дерби дела капитале“ е закажано за во сабота со почеток од 18:00 часот, а Рома ќе ја има улогата на домаќин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
