Капитенот на националниот тим Стефан Ристовски, ги искажа своите очекувања пред престојните два пријателски натпревари.
Ристовски кажа дека некои играчи се уморни поради збиениот календар и напорната сезона, но дека секогаш кога се игра за репрезентација треба да се однесува професионално, и така ќе биде и сега.
„Да, изморени сме, особено јас во Динамо имав многу натпревари. Но, можеби за некои играчи добро ќе дојдат за некои играчи кои имаат слаба минутажа. Не треба да бараме алиби, и треба сите да сонуваат да играат за репрезентацијата која е светост, и овие два натпревари треба да ги одработиме на најпрофесионален начин и верувам дека тоа ќе го направиме“, рече Ристовски кој додаде дека и покрај тоа што се контролни мечеви, секогаш императивот е да се победи.
„Приоритет на секој играч е да се победи, особено кога се игра за репрезентацијата. Не познавам некој играч кои сака само да впише минутажа. Без разлика на минатите резултати, секој меч ни е добродојден и низ вакви натпревари да се крене самодовербата. Многу е лесно да се изгуби самодоверба, но тешко е да го добиеш. Затоа се потребни вакви натпревари“, додаде капитенот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА