Македонскиот ракометен шампион Вардар во трилер натпревар стигна до голема победа над ППД Загреб од 20-19 во 12. коло од групата А во Лигата на шампионите.
Голманот на „црвено-црните“ Борко Ристовски по натпреварот изјави дека иако не одиграле доста лошо стигнале до победа, а тоа значи дека има уште многу простор за напредок.
„Не беше квалитетен натпревар, но беше многу неизвесен. Донесе многу борбеност и пожртвуваност и борба за дресот за кој настапуваме. Ако гледаме реално бодот беше најреален, но во спортот не победува секогаш подобриот. Бевме подготвени за овој меч, но како што кажа и тренерот цела екипа беше многу нервозна. Не се испочитуваа некои работи кои се договоривме пред мечот, но сепак на крајот победивме. Важно е и кога играте лошо да победувате, бидејќи тоа значи дека има уште многу напредок. Наше е да се посветиме на самите себе и да работиме уште повеќе во понатамошниот дел од сезоната“, изјави Ристовски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
