Македонскиот ракометен шампион Вардар в среда ќе го одигра првиот натпревар на домашен терен во Лигата на шампионите по пауза од пет години. Во рамките на второто коло од елитното европско натпреварување, црвено-црните во салата „Јане Сандански“ ќе го пречекаат тимот на Нант.
Избраниците на Иван Чупиќ ја започнаа европската сезона со пораз на гостувањето кај Мелсунген, но со прикажаната рамноправна игра и силниот отпор во поголемиот дел од мечот покажаа дека имаат квалитет за големи дострели.
За да го одбележи големото враќање во кремот на европскиот ракомет, клубот најави и организирање на навивачка фан зона пред салата „Јане Сандански“. Навивачите ќе можат да уживаат во богата забавна програма со музика, бина и бројни активности, а дополнителните детали околу фан зоната клубот вети дека ќе ги објави наскоро.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
