Специјалните претставници на Реал Мадрид, ангажирани за оваа задача од Флорентино Перез, ќе ја искористат можноста што ја нуди прославата за светските шампиони за да се обидат да го задржат капитенот на тој тим и најдобриот играч на Светското првенство во Мадрид на подолг период.
Шпанските медиуми најавуваат дека престојот на Родри во шпанската престолнина за време на претстојните прослави ќе се искористи за да се изврши конечен притисок врз него да ја прифати понудата на Реал и да го извести Манчестер Сити за својата одлука.
Родри влегува во последната сезона од соработката со Сити според договорот продолжен во 2022 година и следното лето ќе стане слободен играч, затоа, во Мадрид сакаат да го искористат овој факт и да ги доведат сопствениците на Сити во практично безизлезна ситуација, или да го продадат најдобриот играч оваа година, или да дозволат тој да си замине како слободен играч следното лето.
Сето тоа, се разбира, може да се промени со ново продолжување на договорот меѓу шпанскиот играч за врска и „сините“ од Манчестер, но во Реал веруваат дека и самиот Родри е веќе малку заситен по седумте години поминати на „Етихад“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
