Машката ракометна репрезентација на Романија се соочува со серија проблеми со повреди на играчите пред јунскиот бараж за СП 2019 против Македонија. Поради повреда вон строј е нивниот најдобар играч Александре Шимицу, а настапот во баражот ќе го пропушти и средниот бек, Кристијан Феничи.
Капитенот на Темишвар се повред со ЧСМ Букурешт во романскиот плеј-оф. Според соопштението од клубот, Феничи има повреда на стапалото на левата нога и делумна руптура на мускулот и ќе биде надвор од терен четири до шест недели.
Со тоа речиси е сигурно дека Кристијан Феничи нема да му биде на располагање на селекторот Чави Пасквал за подготовките и настапот со репрезентацијата на Романија во баражот за СП 2019.
Првиот натпревар од бараж двомечот меѓу Македонија и Романија е на 10 јуни во Скопје, а реваншот ќе се одигра на 13 јуни во Клуж.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
